ಶಿಕ್ಷಣ ಇಲಾಖೆ, ಪೊಲೀಸ್ ಇಲಾಖೆ, ಕಾಗವಾಡ ಪಟ್ಟಣ ಪಂಚಾಯಿತಿ ಇವರ ಸಂಯುಕ್ತಾಶ್ರಯದಲ್ಲಿ ಸ್ವಚ್ಛತಾ ಅಭಿಯಾನ ಕಾರ್ಯಕ್ರಮ ಜೆ. ಎಂ. ಎಫ್. ಸಿ .ನ್ಯಾಯಾಲಯದ ನ್ಯಾಯಾಧೀಶರಾದ ಚನ್ನಬಸಪ್ಪಾ ಕುಡಿ ಇವರ ಮುಖ್ಯ ನೇತೃತ್ವದಲ್ಲಿ ಸ್ವಚ್ಛತಾ ಅಭಿಯಾನ ಹಮ್ಮಿಕೊಳ್ಳಲಾಗಿತು

ನ್ಯಾಯಾಧೀಶ ಚನ್ನಬಸಪ್ಪ ಕುಡಿ ಅವರು ಕೈಯಲ್ಲಿ ಪೊರಕೆ ಹಿಡಿದು ಜೋರು ಮಳೆಯಲ್ಲಿ ಕಸ ಗುಡಿಸಿ, ರಸ್ತೆಬದಿಯಲ್ಲಿ ಬೆಳೆದಿದ್ದ ಹುಲ್ಲು, ಕಡ್ಡಿಗಳನ್ನು ಸ್ವತಃ ಜಿಲ್ಲಾ ಶಿಕ್ಷಣಾಧಿಕಾರಿ ಎಂ.ಆರ್. ಮುಂಜೆ, ಸಿಡಿಪಿಒ ಸಂಜೀವಕುಮಾರ ಸದಲಗೆ, ನಗರ ಪಂಚಾಯಿತಿ ಅಧಿಕಾರಿ ಕೆ.ಕೆ.ಗಾವಡೆ, ವಕೀಲರ ಸಂಘದ ಅಧ್ಯಕ್ಷ ಸಂತೋಷ ನಿಂಬಾಳ್ಕರ್, ಬಸ್ ನಿಲ್ದಾಣ ಅಧಿಕಾರಿ ಎಸ್.ಬಿ.ಗಸ್ತಿ ಸೇರಿದಂತೆ ಎಲ್ಲ ವಕೀಲರು, ಎಲ್ಲ ಇಲಾಖೆಗಳ ಸಿಬ್ಬಂದಿ, ಮಹಿಳಾ ಸಿಬ್ಬಂದಿ ಸೇರಿ ನ್ಯಾಯಾಲಯ ಹಾಗೂ ಬಸ್ ನಿಲ್ದಾಣದ ಆವರಣವನ್ನು ಸ್ವಚ್ಛಗೊಳಿಸಿದರು.

ನ್ಯಾಯಮೂರ್ತಿ ಚನ್ನಬಸಪ್ಪ ಕುಡಿ ಮಾತನಾಡಿ, ಭಾರತ ಸರ್ಕಾರ, ರಾಷ್ಟ್ರೀಯ ಕಾನೂನು ಸೇವಾ ಸಮಿತಿ, ರಾಜ್ಯ ಕಾನೂನು ಸೇವಾ ಸಮಿತಿ, ಜಿಲ್ಲಾ ಹಾಗೂ ತಾಲೂಕಾ ಶಿವ ಸಮಿತಿಯ ಒಂದು ದಿನದ ರಾಷ್ಟ್ರೀಯ ಸ್ವಚ್ಛತಾ ನಮಸ್ಕಾರ ಸೇವಾ ಕಾರ್ಯಕ್ರಮದಡಿಯಲ್ಲಿ ನೀಡಿದ ನಿರ್ದೇಶನದಂತೆ ಎಲ್ಲಾ ಇಲಾಖೆ ಅಧಿಕಾರಿಗಳು ಕಾಗವಾಡ ಸಿಬ್ಬಂದಿ ಮತ್ತು ವಕೀಲರು ಸಹಕಾರದೊಂದಿಗೆ ನ್ಯಾಯಾಲಯ ಮತ್ತು ಬಸ್ ನಿಲ್ದಾಣದ ಪ್ರದೇಶವನ್ನು ಸ್ವಚ್ಛಗೊಳಿಸುತ್ತಿದ್ದೇವೆ ಪ್ರತಿಯೊಬ್ಬರು ತಮ್ಮ ಪ್ರದೇಶವನ್ನು ಸ್ವಚ್ಛವಾಗಿಟ್ಟುಕೊಳ್ಳಬೇಕು ಇದರಿಂದ ಅವರಿಗೆ ಶುದ್ಧ ಕುಡಿಯುವ ನೀರು ಮತ್ತು ಉತ್ತಮ ಆರೋಗ್ಯ ಸಿಗುತ್ತದೆ ಎಂದು ನ್ಯಾಯಾಧೀಶರು ಎಲ್ಲರಿಗೂ ಮನವಿ ಮಾಡಿದರು

ಕಾಗವಾಡ ನಗರ ಪಂಚಾಯಿತಿ ಮುಖ್ಯಾಧಿಕಾರಿ ಕೆ.ಕೆ.ಗಾವಡೆ ಮಾತನಾಡಿ ಮಹಾತ್ಮ ಗಾಂಧೀಜಿಯವರು ತಮ್ಮ ಕನಸಾಗಿದ್ದ ಗ್ರಾಮಗಳಲ್ಲಿ ಸ್ವಚ್ಛತೆ ಕಾಪಾಡಲು ಹೆಚ್ಚಿನ ಮಹತ್ವ ನೀಡಿ ಜನಜಾಗೃತಿ ಮೂಡಿಸಿದರು.ಮಹಾತ್ಮ ಗಾಂಧೀಜಿಯವರ ಕನಸನ್ನು ನನಸು ಮಾಡುವುದು ನಮ್ಮೆಲ್ಲರ ಕರ್ತವ್ಯ ಎಂದರು

ಸಂತೋಷ ನಿಂಬಾಳ್ಕರ್, ಉಪಾಧ್ಯಕ್ಷ ಅಮುಲ್ ಕಾಮಟೆ, ಸುರೇಶ ಭರ್ಮಾಡೆ, ಬಿ.ಆರ್.ರಾವ್, ಅಮಿತ್ ದೀಕ್ಷಾಂತ್, ಕಾಕಾ ಪಾಟೀಲ್, ಅಣ್ಣಾ ಗೌಡ ಪಾಟೀಲ್, ಸಿ.ಎ.ಮಠಪತಿ, ಎಸ್.ಬಿ.ಕುಂಬಾರ್, ಮಹೇಶ ಪಾಟೀಲ್, ಅಶೋಕ್ ಟ್ಯಾಗ್ರೆ, ಎಂ.ಬಿ.ಮುಲ್ಲಾ, ಎಸ್.ಬಿ.ಪಾಟೀಲ್, ಭರತ್ ಟೊಂಗೆ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಿದ್ದರು.